ВАННАНИ ТОЗАЛАШГА КИРИШАМИЗ

Бўр эритилган сув билан кафелларни тозаланг. Сўнгра қуруқ мато билан устидан артинг.

Кошинли девор ёки полларни нашатир спиртли аралашма (1 л. сувга 2-3 ош қошиқ нашатир спирти)га бир неча томчи идиш ювиш воситасидан қўшиб тозаланг. Сўнгра юмшоқ мато билан артиб чиқинг.

Агар кафелда ёғ доғи бўлса, ўша жойни сирка билан намланган матода артиб, дарров совуқ сув билан ювинг.

Сирланган (эмалли) ванна занглаган бўлса, истеъмол содаси сепиб, 10 дақиқадан сўнг ювинг. Ёки тузни сирка билан аралштириб, сепиб қўйиш ҳам фойдали.

Эмал билан қопланган ванналардаги сариқ доғларни кетказиш учун эса мана бу усулдан фойдаланинг: 1 дона лимоннинг сувини сиқиб чиқариб, сепинг. 10 дақиқа ўтгач, ювинг.

Агар ванна акрил билан қопланган бўлса, ваннани иссиқ сув билан тўлдириб, 1 стакан сирка ва 1 ўрам 7 фоизлик лимон кислотаси солинг. 10 соатлардан сўнг сувни оқизиб юбориб, яхшилаб ювинг.

Раковиналарни эса лимон бўлаги билан тозалаш керак. Ёки истеъмол содасини сув билан аралаштириб (тиш ювиш пастаси қуюқлигида), «губка»ни ботириб артинг.

Душни тозалаш учун целлофан пакетга сирка сепиб, суп пуркагич қисмига боғлаб қўйинг. 15 дақиқадан сўнг сувни оқизиб, ювишингиз мумкин.