АЖОЙИБ ҒОЯЛАРИНГИЗНИ ҲАЁТГА ТАДБИҚ ЭТИНГ ВА МЎМАЙ ДАРОМАДГА ЭРИШИНГ!”

МУНАЖЖИМЛАР БАШОРАТИ 09.01.2018, 15:44
АЖОЙИБ ҒОЯЛАРИНГИЗНИ  ҲАЁТГА ТАДБИҚ ЭТИНГ ВА МЎМАЙ  ДАРОМАДГА ЭРИШИНГ!”

АСАД

(23 июль – 23 август)

Умумий башорат
Келаётган "Ит" йилида Асад буржи остида туғилган инсонлар карьера қилиш ва кўп даромад топишни ўзлари учун энг олий мақсад деб билади. Улар ўзларининг тиришқоқлиги билан нафақат ишда, балки шахсий муносабатларда ҳам кўзлаган мақсадига эришади.

Бу буржда туғилганларнинг аксарияти жуда таъсирчан. Янги йил "Асад"лар учун муҳаббат бобида бироз қийин бўлади. Ёлғиз бурч вакиллари жуфт излашда давом этишади. Оила қурганларни эса синовли кунлар кутмоқда. Оилани сақлаб қолишга бор кучлари билан ҳаракат қилишлари лозим бўлади.

Йил бошида ишда ҳам қийинчиликлар бўлади. Озгина натижага эришиш учун ҳам кўпроқ меҳнат қилишга тўғри келади. Сизга эътибор қаратишлари ва муносиб баҳолашлари учун хатти-ҳаракатларингизда собит туринг, ўз фикрингизда қатъий бўлинг. Шунда раҳбарият сизга юқори лавозимларни таклиф қилиши мумкин.

Қишнинг совуқ кунларида соғликка эътиборли бўлиш талаб этилади. Неврологик касалликлар хавф солиши мумкин. Мутахассислар тезроқ таътилга чиқишни, дам олишни оила даврасида ўтказишни тавсия қилишмоқда.

Кузда қимматбаҳо харидларни амалга оширишингиз мумкин. Совғалар олишга кўп пул сарфлашдан қўрқманг, уларнинг харажати ортиғи билан қопланади.

Янги йилга яқин ҳаётингизни ўзгартириб юбориши мумкин бўлган учрашув кутмоқда. Муносабатлар тез орада оила қуришга олиб боради. Шунингдек, "Асад"лар бизнес бобида ҳам омадга эришади. Тадбиркорлар ўз бизнесларини кенгайтиришлари ва катта даромад олишлари мумкин.


ШАХСИЙ ХАЁТ

Оилада "Асад"лар ҳақиқий оила бошлиғи бўла олади. Улар учун ҳаммаси юқори даражада, энг яхшиси бўлиши керак ва бунинг учун доим ҳаракат қилишади.

"Асад"ларда ички “мен”и юқори ўринда туради. Шунинг учун биринчи ярим йилда улар ўз кучларини романтик учрашувлар, абадий муҳаббат каби ҳислар қидирувига сарфламайди. Улар бунга шунчаки эринади. Йил давомида уларни севишади.

Ёзнинг жазирамасида "Асад"ларга романтик ҳиссиётлар шиддат билан “бостириб” келади ва улар жуфтини излашга отланади. Бунинг уддасидан чиқади ҳам. Узоқ кутилган учрашув амалга ошади. "Асад"лар янги муносабатга шу даражада берилади-ки, у учун ички дунёсини ўзгартиришга ҳам рози бўлади. Севган инсонлари учун “сарой ҳаёти”ни яратиб беришга ҳам тайёр бўлади.

Кўнгилсизликлар ҳам бўлиб туради. Жуфти уларга беэътибор бўлиб қолади. Бунда асосийси, жаҳл "оти­га минмаслик" керак, бўлмаса "Асад"лар мулойим қуёндан йиртқич йўлбарсга айланишлари мумкин.


САЛОМАТЛИК

Қишнинг совуғи "Асад"­лар­нинг саломатлигига таъсир кўр­сатмайди. Аксинча, уларнинг организми куч-қувватга тўлади. Лекин барибир соғликка эътиборли бўлишни маслаҳат берамиз. Кўп ишлаш, уйқусиз тунлар жисмоний ҳолатга салбий таъсир кўрсатади.

Бундан ташқари, ошқозон-ичак безовта қилиши мумкин. Уни ўз вақтида даволаш керак, акс ҳолда, ошқозон яраси касаллигига олиб келиши эҳтимоли бор. Бунинг олдини олиш учун тўғри овқатланинг, кўпроқ ҳўл мевалар енг, янги сиқилган шарбатлардан ичинг.


КАРЬЕРА

Асад буржи остида туғилган инсонлар руҳан кучли, ғоят эҳтиросли, шаддод ва ўз ҳукмини ўтказадиган феъл-атворли бўлади. Улар вақти келганда барча жавобгарликни бўйнига олиб, ишни ташкиллаштиришлари мумкин. Фақатгина атрофидаги одамлардан унга бўйсуниш, хизматларини тан олиш талаб этилади, холос. Шу хислатлари учун ҳам "Асад"лардан яхши раҳбар чиқади. Тадбиркорлик бобида ҳам "Асад"лар муваффақиятга эришади. Чунки улар атрофига ишчан, ташаббускор, ғайратли кишиларни тўплай олади. "Асад"лар бизнесдан келган даромадининг катта қисмини қўл остидагилар билан ҳам мардларча бўлишишни билади.

"Асад"ларга бошлиқ бўлишдан кўра, шуҳрат кўпроқ ёқимли. Улар ўз муваффақиятларининг эътироф этилишини астойдил истайди, олқишлар, мақтовларга чанқоқ бўлади. Бу бир томондан уларнинг заиф жиҳати ҳамдир.

Жамоада "Асад"лар доим етакчи, зиёфатбоши ва тадбир ташкилотчиси ролини ўйнайди. Айнан улар байрамларни ташкиллаштиришни кўнгилдагидай эплай оладилар.

Ушбу бурж вакилларида "Ит" йилида ҳокимиятга интилиш иштиёқи пасаяди. Баҳор сўнггида кўпчилик "Асад"лар шахсий ҳаётига эътибор беришни, умуман, ўзларини қулай ҳис этадиган ишларни қилишни исташади.

Тадбиркор "Асад"ларни бизнесда муваффақиятлар кутмоқда. Улар ўзларининг ажойиб ғояларини ҳаётга татбиқ этишлари ва бундан мўмай даромад олишлари мумкин.

АЁЛ "АСАД"ЛАР
Аёл "Асад"лар кўпинча бирор "хобби"га эга бўлишади. Улар чиройли, қимматбаҳо, қадимий буюмларни яхши кўради.

2018 йил аёл "Асад"лар учун омадли келади. Омад касбий соҳада ҳам қўл келади. Билим ва маҳоратингиз раҳбарият томонидан юқори баҳоланади, ҳатто раҳбар лавозимларидан бирига таклиф қилинишингиз мумкин. Сизни хорижий иш сафарлари, юқори маош, ёрқин таассуротлар, турли-туман катта харидлар кутмоқда.

Йил бошида бу бурч вакиллари самимий ҳамроҳ излашга уринади. Улар жозибадорлиги билан бунинг уддасидан осон чиқади. Тезда ҳамроҳ топиб, келажак учун замин яратади. Қисқача айтганда, 2018 йил аёл "Асад"лар учун жуда сермаҳсул йил бўлиши ваъда қилинмоқда.


ЭРКАК “
АСАД”ЛАР УЧУН

Астрологлар йил бошида эркак "Асад"ларга рафиқаси билан саёҳатга чиқишни, шунингдек, йиллар давомида совиган муносабатларни иситишни тавсия қилишмоқда. Иш ва бизнесни бир четга суриб, қисқа муддатга бўлса ҳам оилангизга вақт ажратинг. Агар фарзандингиз бўлмаса, бу ҳақда ҳам жиддий ўйлаб кўринг. Ҳозир айни вақти. Бўйдоқ "Асад"лар эса тезроқ жуфтларини излашни бошлашлари керак.

Бундан ташқари, соғлиқни ҳам эътибордан четда қолдирмаслик тавсия этилади.

Йилнинг ярмига келиб, "Асад"лар моддий қийинчиликка учрашлари мумкин. Бу вазиятда қаттиқ сиқилмаслик, қийинчиликларни сабот билан енгиб ўтиш жоиз бўлади.

Шарҳлар

Об-ҳаво: Тошкент
Валюта курси
1