Ташқи ишлар вазирига биринчи ўринбосар тайинланди, деб хабар қилди Ташқи ишлар вазирлиги матбуот-хизмати.
"Бугун, 5 февраль куни Ўзбекистон Республикаси Ташқи ишлар вазирлиги ҳайъатига вазирнинг биринчи ўринбосари этиб тайинланган Ботиржон Асадов таништирилди", — дейилади хабарда.
Ташқи ишлар вазирлиги ахборот хизматининг хабарига кўра, у илгари Ўзбекистон Савдо-саноат палатаси раисининг ўринбосари лавозимида ишлаган.
