2018 йилнинг 20 апрел куни Ўзбекистон Республикаси Ташқи ишлар вазири Абдулазиз Комилов Америка Қўшма Штатлари Фавқулодда ва мухтор элчиси Памела Леора Спратленни қабул қилди. Бу ҳақда вазирлик матбуот хизмати хабар бермоқда.
Ташқи ишлар вазирлиги матбуот хизмати хабарига кўра, учрашувда долзарб икки томонлама масалаларни муҳокама қилиш давомида 2018 йили турли даражаларда бўлиб ўтадиган Ўзбекистон — АҚШ учрашувлари муддатлари ва кун тартибига алоҳида эътибор қаратилди.
