Бразилияда давом этаётган футбол бўйича жаҳон чемпионати иштирокчилари 3-тур учрашувларини якунлашди.
Кеча “G” ва “H” гуруҳларида 3-тур учрашувлари бўлиб ўтди. Германия ҳамда АҚШ терма жамоалари ўртасидаги учрашувда 1:0 ҳисобида “немис машинаси” устун келди. Учрашувдаги ягона гол муаллифи Томас Мюллер бўлди. Энди унинг ҳисобида Месси ва Неймар каби 4 та гол бор. Қайд қилиб ўтамиз, ушбу учрашувни ҳамюртимиз Равшан Эрматов олиб борди.
Бу гуруҳдан чиққан иккинчи жамоа эса АҚШ терма жамоаси бўлди. Португалия Ганани 2:1 ҳисобида мағлубиятга учратгани Криштиану Роналду жамоасига камлик қилди ва голлар ҳисобига АҚШ нимчорак финалга йўл олди.
“H” гуруҳидан плей-оффга Белгия ҳамда Жазоир терма жамоалари чиқишди. Белгия Жанубий Корея устидан 1:0 ҳисобида устун келган бўлса, Жазоир терма жамоаси Россия билан 1:1 ҳисобини қайд этишди.
Шу тариқа, ушбу гуруҳдан Россия ҳамда Жанубий Корея терма жамоалари уйларига қайтадиган бўлишди.
Барча нимчорак финал жуфтликлари билан танишинг:
Бразилия-Чили, Колумбия-Уругвай, Франция-Нигерия, Германия-Жазоир, Голландия-Мексика, Коста-Рика-Греция, Аргентина-Швейцария, Белгия-АҚШ.
Нимчорак финал учрашувлари эртадан бошланади. 21:00 да Бразилия-Чили ҳамда 01:00 да Колумдия-Уругвай учрашувлари бўлиб ўтади.