Футбол бўйича Жаҳон чемпионати-2014 доирасида футболчилардан допинг-таҳлил намуналари олинди. Бироқ уларнинг бирортасида ҳам ижобий натижа қайд этилмади. Бу ҳақида FIFA президенти Йозеф Блаттер баёнот берган.
Европа томондан тизимнинг ёмон ишлатилганлиги ҳақида танқидий фикрлар ҳам билдирилган. Лекин, шунга қарамай ўйинчилар ичида бирор кишининг допинг ишлатганлиги аниқланмади.
FIFA Бутунжаҳон антидопинг агентлиги билан Жаҳон чемпионати тарихида илк бора жамоалар таркибидаги ҳар бир футболчини бирма-бир текширувдан ўтказди. Текширув вақтида фақат биргина камчилик кузатилди. Бу ҳам бўлса, Рио-де-Женейро антидопинг лабораториясини қуриш ишлари кечикиши бироз ноқулайлик туғдирди. Шу сабабли таҳлиллар Швецарияда амалга оширилди.
- Қуриб битказишга улгурилмаган лаборатория Олимпиада-2016 гача фойдаланишга топширилади, дея фикр билдирди Блаттер.
