Ўзбекистон делегациясига кўра, мамлакатда бугун инсон ҳуқуқлари бобида сезиларли ижобий ўзгаришлар бор. Лекин тизимни ва жамиятни ислоҳ қилиш вақт ва меҳнат талаб қилади.
Қийноқлар, мажбурий меҳнат, юлғичлик ва систематик ҳуқуқбузарлик ҳолатларига қарши кураш бошланган ва у тўхтамайди. Президент Мирзиёевнинг АҚШга расмий ташрифи олдидан Вашингтонда кечган муҳокамада «Human Rights Watch» ташкилоти вакили Стив Свердлов ҳукуматни репрессив ўтмишдан сабоқ олишга, уни таҳлил қилиб, адолатни таъминлашга чақирди.#UZBUSA2018
