Тошкент шаҳар ИИББ Йўл ҳаракати хавфсизлигининг маълумотларига кўра, 20 ноябрь куни Тошкент шаҳар Юнусобод тумани "Дўрмон" кўчасига автомобиллар тезлигини қайд қилиш қурилмаси ўрнатилди.
Шаҳарда радарларни кўпайтиришдан мақсад йўл транспорти ҳодисаларини камайтириш ҳамда ҳайдовчиларни тартибга чақиришдир.
Кўпинча ҳайдовчилар белгиланган тезликдан юқори кўрсаткичда ҳаракатланадилар. Бу уларнинг ҳаёти учун хавфли ҳисобланади.
