Наманганда ака ўз укасини уриб ўлдирди

ЖИНОЯТ 22.11.2018, 14:36
Наманганда ака ўз укасини уриб ўлдирди

Шу йилнинг 20 ноябрь куни Наманган вилоятининг Янгиқўрғон туманида яшаган Д.Т.нинг ташқи кўринишдан жароҳатсиз жасади уйидан топилган эди.

Ўтказилган суд-тиббий экспертизасининг хулосасига кўра, у бошининг ички қисмига етказилган жароҳатдан вафот этганлиги аниқланган. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар берди.

Кўрилган чоралар натижасида шу йилнинг 15 ноябрь куни марҳум Д.Т.нинг акаси У.Т. уйида ўзаро жанжал туфайли уни юзи ва бошига қўллари билан уриб, жароҳат етказганлиги аниқланиб, ушланган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.


Шарҳлар

Об-ҳаво: Тошкент
Валюта курси
1