Виржиния штати Уоллопс оролидаги НАСА космодромидан кўтарилган Antares ракета ташувчиси Cygnus юк кемаси билан бирга кўтарилиш пайтида 28 октябр куни портлаб кетди.
Ракетанинг кўтарилиши НАСА сайти орқали тўғридан-тўғри эфирга узатиб турилганди. Портлаш стартдан сўнг рўй берди. Ракета ердан бироз узоқлашишга улгурган эди.
Космодромда кўрилган зарар ва жабр кўрганлар, шунингдек фалокат сабаблари ҳақида хабар берилгани йўқ, деб ёзади ТАСС.
Cygnus Халқаро космик станцияга икки тоннадан кўпроқ юкни етказиб бериши керак эди.