FedЕх компанияси учун юк рейсини амалга ошираётган икки моторли SH36 самолёти Кариб денгизида ҳалокатга учради, учувчилардан бири вафот этди, иккинчиси бедарак йўқолди. Бу ҳақда «РИА Новости» хабар бермоқда.
Учувчилардан бирининг жасади Авлиё Мартин оролининг Нидерландияга тегишли қисмида топилган.
Иккинчи учувчини қидириш ишлари нидерландиялик денгизчилар ва франциялик кўнгиллилар иштирокида олиб борилмоқда. Ҳодиса бўйича тергов ишларини олиб боришда маҳаллий ҳукуматга АҚШлик ва буюк британиялик экспертлар ёрдам беради. Таъкидлаш жоиз, SH36 АҚШда рўйхатга олинган, Буюк Британияда эса ишлаб чиқарилган.
Skyway Enterprises компаниясига тегишли бўлган самолёт почта ва курьерлик хизматларини кўрсатиш бўйича жаҳон гиганти бўлган FedЕх билан тузилган шартнома бўйича рейсларни амалга оширган.
