2014 йилнинг 1 декабр куни ўз фаолиятини бошлаган компания ўзининг расмий сайти орқали 2015 йилда дам олиш кунларисиз ишлашини маълум қилди.
Хабарга кўра, 2015 йилда савдо офислари фаолиятини ривожлантириш стратегиясига асосан компания раҳбарияти республика ҳудудидаги барча абонентларга хизмат кўрсатиш шаҳобчаларида етти кунлик иш жадвалини ташкил қилди. Бу абонентларнинг тез ва сифатли уланишларига имконият яратади.
Хизмат кўрсатиш марказларининг иш вақти эрталаб соат 9:00дан 18:00гача белгиланган бўлиб, танаффуссиз ишлайди.
Компания ходимлари фақатгина Ўзбекистон Республикасида нишонланадиган расмий байрам кунларидагина дам олишлари мумкин.
