my5
25

Юртимизга Кавказ ҳудудидан совуқ ҳаво кириб келмоқда

ЖАМИЯТ 09.12.2019, 21:12
2647
Юртимизга Кавказ ҳудудидан совуқ ҳаво кириб келмоқда

Шу кунларда мамлакатимизда об-ҳаво исиши кузатилмоқда. Бунинг сабаблари ва ҳафта давомида бизнинг кутаётган ҳарорат ҳақида “Ўзгидромет” маркази хабар берди. 

Бугун Туркманистон ҳудудидан нисбатан нам ва илиқ ҳаво оқимлари кириши таъсирида куннинг иккинчи ярмида Қорақалпоғистон ва Хоразм вилоятининг айрим жойларида, Самарқанд ва Қашқадарё вилоятларида кечга бориб кучсиз ёмғир ёғиши мумкин. 

Шамолнинг тезлиги кучайиб, дақиқасига 15-20 метрга етиши мумкин. Кундузги ҳарорат 14-19 даража атрофида бўлади.

Кейинчалик об-ҳавони Кавказдан Каспий денгизи орқали биз томонга силжиган баландликдаги антициклон белгилайди. 

10 декабрда ёмғир ёғиб ўтади, шимолда ёққан ёмғир қорга айланиши мумкин. Мамлакатимиз ҳудудининг катта қисмида ҳарорат нисбатан илиқ бўлиб, кечаси 2-7 даража, кундузи 12-17 даража илиқни ташкил қилади. 

Шимолда ҳароратнинг кечаси 3 даража совуқдан 2 даража илиққача, кундузи 3-8 даража илиққача пасайиши кузатилади. 

11 декабрда эса Кавказ ҳудудидан совуқ ҳаво кириши билан айрим жойларда ёғингарчилик кучаяди. 

12-14 декабрда об-ҳавонинг нобарқарорлиги сақланади, айрим жойларда кучсиз ёғингарчилик, фақат мамлакатимизнинг шимоли-ғарбий туманларида об-ҳаво ёғингарчиликсиз бўлади.

Совуқ антициклон таъсирида шу кунларда ҳаво ҳарорати аста пасайиб кечаси 0-3 даража, кундузи 8-11 даражагача тушади. Бу кўрсаткичлар ўртача кўп йиллик қийматларга яқиндир.

Хабарингиз бор, дам олиш кунлари туман кузатилди. Минтақамизда туман ҳосил бўлишига ўтган ёғинлар билан намланган илиқ тупроққа совуқ ҳавонинг аста-секин оқиб келиши асосий сабаб бўлади. Туманлар асосан йилнинг совуқ даврида ноябрдан апрелгача кузатилади, улар кўпроқ декабрь-январь ойларида такрорланади. 

Асосан кечки, тунги ва эрталабки соатларда кузатиладиган туман қуёш чиқиши ва ҳарорат бир оз кўтарилиши билан тарқалиб кетади.

Туманларнинг давомийлиги ҳар хил. Асосан 3 соатгача давом этадиган туманлар кузатилади. 12 соатдан ортиқ давом этиб, метеорологик кўринувчанлик 50 м ва ундан кам бўладиган ҳолатлар хавфли об-ҳаво ҳодисаларига киради. бундай ҳолатлар авиация ва ерусти йўл транспорти учун хавф туғдиради.

Ўтган кунларда айнан шундай шароитлар кузатилди. Эсингизда бўлса, декабрнинг биринчи беш кунлигида қишга хос бўлмаган қуёшли об-ҳаво кузатилди. Ҳарорат 10-12 даражани ташкил қилиб, тупроқнинг илишига исишига келди. 6 декабрда эса Каспий денгизи томондан келган антициклон натижасида ҳаво айнаб, ёғингарчилик бўлди. 

Шарҳлар

Кун мавзуси: коронавирус
Об-ҳаво: Ташкент
+35° ясно
Валюта курси
10209.86
USD 2.17
12021.09
EUR 125.05
137.46
RUB -4.91