“Hindustan Times”нинг ёзишича, Лондоннинг Лестер-сквер майдонида Болливуднинг машҳур фильми “Ўғирланмаган келин” қаҳрамонлари — Раж (Шоҳруххон) ва Симран (Кажол) образлари акс этган бронза ҳайкал тантанали равишда очилди. Ҳайкал фильмнинг 30 йиллик юбилейи муносибати билан ўрнатилди ва “Scenes in the Square” йўлакчасида ҳайкалга эга бўлган биринчи ҳинд фильми сифатида қайд этилди.
Очилиш маросимида Шоҳруххон ва Кажол шахсан иштирок этиб, ҳайкални очиб беришди. Шоҳруххон Instagram’daги мурожаатида Лондонга бorganлар ҳайкални албатта кўриб ўтишни тавсия қилган.
1995 йилда Адитья Чопра томонидан суратга olingan “Ўғирланмаган келин” (DDLJ) Раж ва Симраннинг севги тарихини ҳикоя қилади. Асар Ҳинд киноси тарихидаги энг машҳур романтик фильмлардан бири бўлиб, Мумбайдаги Maratha Mandir кинотеатрида 25 йилдан ортиқ вақт давомида узлуксиз намойиш этилган.
Фильм севги, анъана ва жасорат мавзуларини ёритиши билан томошабинлар қалбида ҳанузгача алоҳида ўринга эга.
