AҚШнинг Индиан-Уэллс шаҳрида WTA Premier Mandatory туркумига кирувчи BNP Paribas Open турнири якунланди.
Соврин жамғармаси 5.381.235 АҚШ долларини ташкил этувчи мазкур мусобақанинг финал учрашувида руминиялик Симона Халеп ва сербиялик Елена Янкович ўзаро баҳслашди.
Кескин курашларга бой ўтган ўйиннинг биринчи сетида жаҳоннинг учинчи ракеткаси Симона 2:6 ҳисобида рақибасига мағлуб бўлди. Бироқ иккинчи сетга келиб Еленанинг ўйини қовушмади. Бунинг натижасида у 7:5 ҳисобида сетни бой берди. Учинчи сетга келиб, буткул ўйин тизгинин қўлга олган румин гўзали якунда 6:4 ҳисобида ғолиб бўлди ва мусобақа бош совринини қўлга киритди. Симона Халепга ушбу ғалаба 900.400 АҚШ доллари пул мукофоти ва 1000 рейтинг очкосини олиб келди, дея хабар беради sports.uz нашри.
