Мэнни Пакьяонинг жисмоний тайёргарлик бўйича мураббийи Жастин Форчуннинг фикрига кўра, филлипинлик боксчи Флойд Мейвезер-кичиги билан баҳсда албатта ғалаба қозонади. 49 ёшли австралиялик мураббий ўз шогирди ва унинг рақиби борасида қўйидаги сўзларни айтиб ўтди.
- Флойд Майданага қарши сўнгги икки учрашувда анча секинлашганини кўриш мумкин. Майданага қарши у оддий боксчидек жанг ўтказди. Ишончим комилки, Пакьао ўз тезлиги ва маҳорати билан Флойдни “янчиб” ташлайди, - Форчун сўзларини келтиради BoxingScene.com.
Эслатиб ўтамиз, анчадан буён орзиқиб кутилаётган ушбу жанг жорий йилнинг 2 май куни бўлиб ўтиши режалаштирилган.
Манба: sports.uz
