WBO йўналиши ярим ўрта вазн тоифасида жаҳон чемпиони Мэнни Пакьяо Филиппин солиқ идораси томонидан солиқ тўламаганликда айбланмоқда. 2008 ва 2009 йилларда у 49,5 миллион еврога тенг маблағни яширганликда айбланиб, судга берилган. Бу ҳақда olamsport.com нашри хабар беради.
2014 йилда Пакьяо Филиппинда энг кўп солиқ тўловчи шахсга айланган. Бу миқдор 42 миллион долларлик даромаддан ҳисобланиши мумкин бўлган. 2013 йилда эса Мэнни 3,75 миллион доллар маблағни солиқ хизматига ўтказиб берган.
Эслатиб ўтамиз, Мэнни Пакьяо 2 май куни АҚШнинг Лас-Вегас шаҳрида кўпчилик томонидан аср жанги сифатида эътироф этилаётган супержангда енгилмас Флойд Мейвезерга қарши рингга кўтарилади.
