“Махсустранс”нинг 574 та чиқинди йиғиш майдонлари ва 435 та махсус техникалари кунлик равишда дезинфекция қилинмоқда (Фоторепортаж)

Маълумки, Ўзбекистонда коронавирус инфекцияси тарқалишини олдини олиш мақсадида карантин эълон қилинганлиги ва бунга кўра барча давлат ва жамоат жойларида санитар-гигиеник қоидаларга амал қилиш чоралари амалга оширилмоқда.

Шундан келиб чиққан ҳолда “Махсустранс” ИЧБ Давлат унитар корхонаси Санитария эпидемиология станциялари билан шартнома имзолади. Унга кўра, мавжуд барча автокорхона филиаллари, сервислар, автоколонналар, 574 та чиқинди йиғиш майдонлари, 435 та махсус техникалар доимий равишда дезинфекция килиняпти.

Бугунги кунда “Махсустранс” ДУК барча ишга чиқиши зарур бўлган ходимлари махсус дезинфекция қилинган автобусларда ташилиб, уларга доимий равишда тиббий ниқоблар тарқатилиши йўлга қўйилган, ишга чиқишига зарурат бўлмаган ходимлар эса уй шароитида масофадан туриб фаолият олиб бориши учун барча шароитлар яратилган. 

Бундан ташқари чиқинди орқали вирус ташилишининг олдини олиш мақсадида “Махсустранс”га тегишли Яшнобод, Юнуобод, Яккасарой туманларида жойлашган барча қайта юклаш шаҳобчаларида ҳам дезинфекция ишлари амалга оширилмоқда.  

Маълумот ўрнида айтиш жоизки, Тошкент шаҳридан бир кунда 2 минг тоннагача чиқинди олиб чиқилишини инбатга олиб, “Махсустранс” ўз фаолиятини одатий режимида давом эттиради фуқаролардан эса уйда қолишларини сўраб қолади.