Ўзбекистонда хизмат кўрсатган артист Севара Назархон кеча, 10 апрель куни 1197 "саll марказ"да қўнғироқ қилиб мурожаат қилганлар билан ишлади. Бу ҳақда ўзи инстаграмдаги шахсий саҳифасида хабар берган.
"Бугун 1197 "саll марказ"да линияда бўлдим. Ажойиб иш ва ажойиб инсонлар. Бу ишга алоқадор барча инсонларга раҳмат" дейди хонанданинг ўзи.
Эслатиб ўтамиз:
“Ўзэкспомарказ” биносида жойлашган Маҳалла ва оилани қўллаб-қувватлаш вазирлиги қошида ташкил этилган Ҳомийлик хайрияларини мувофиқлаштириш марказига ҳар куни ҳомий ташкилотлар ва саховатпеша инсонлар томонидан хайрия маҳсулотлари келиши давом этмоқда ҳамда ушбу ижтимоий ёрдамлар ўз вақтида эҳтиёжманд оилаларга етказилмоқда.
