Кимгадир яхши кўриниш ёки олифталик қилиш учун белгиланган қоидаларни бузаётган, бунинг устига олифталигини мақтанаман деб аслида қоидабузарлигини ижтимоий тармоқларга тарқатаётган ёшлар кўпайиб бормоқда.
Ушбу видеода сигарет чекиб, машинасига ёнувчи маёқларни ўрнатиб олиб, мақтанчоқлик қилаётган ана шундай ёшлардан бирини кўриш мумкин.
ИИВ ЙҲХББ Ахборот хизмати берган маълумотга кўра, машина ўсмирнинг отасига тегишли бўлган.
Қилган ишидан пушаймонлигини айтишига қарамай ҳуқуқбузар қонун олдида жавоб беришига тўғри келди.
ИИВ ЙҲХББ барча йўл ҳаракати иштирокчиларидан белгиланган қоидаларга амал қилишларини сўрамоқда.
