Amerikalik aktrisa Barbra Streyzand rossiyalik imperatrisa Buyuk Ekaterina haqida film suratga oladi, deb xabar beradi “Lenta.ru”.
Kinokartinaga “Pi hayoti”, “Do`stimning to`yi” kabi filmlarni ishlagan Jil Netter prodyuserlik qiladi.
Ssenariyni esa Daun sindromiga chalingan erkak haqida hikoya qiluvchi “Men sevgan qiz” filmi bilan tanilgan Kristina Loren Anderson yozadi. Hali taxtga o`tirmagan yosh Ekaterina syujetga asos qilib olinadi.
OAVning ma`lum qilishicha, film ustidagi ishlar boshlanish arafasida.
“Dunyodagi eng mashhur ayol rejissyorlardan biri ayol davlat boshlig`i haqida film suratga oladi”, —deyiladi xabarda.
Barbra Streyzand — taniqli Gollivud aktrisasi, rejissyor va prodyuser. U o`z faoliyati mobaynida 20 dan ortiq filmlarda suratga tushgan. Aktrisa “Kulguli qizaloq” filmidagi Fanni Brays obrazi uchun “Oskar” mukofotiga sazovor bo`lgan.
