Yosh bolalar va 70 yoshdan o`tgan insonlarda koronavirus infeksiyasiga qarshi immunitetning maksimal darajasi qayd etilgan. Bu haqda o`tkazilgan tadqiqotlar natijasiga tayanib, Paster nomidagi Sankt-Peterburg Epidemiologiya va mikrobiologiya ilmiy-tadqiqot instituti direktori ma`lum qilgan.
Uning so`zlariga ko`ra, Rossiya Federasiyasining aksariyat hududlarida asosan voyaga etmaganlarda, xususan, maktab yoshiga etmagan bolalar va boshlang`ich sinf o`quvchilarida virusga qarshi antitanachalar aniqlangan. 70 yoshdan oshganlar kuchli immunitetga ega insonlar soni bo`yicha ikkinchi o`rinda turadi.
Shuningdek, shifokor va pedagoglarda ham koronavirusga qarshi immunitet nisbatan yaxshi shakllangani aniqlangan.
Institut tomonidan Rossiyaning 26 ta hududida o`tkazilgan tadqiqotda 70 mingdan ortiq odam ishtirok etgan.
