«Yuksalish» umummilliy harakati O`zbekiston Respublikasi mustaqilligining 29 yilligi oldidan ijtimoiy tarmoqlarda #MenUchunQadrli (#Senyu) fleshmob-tanlovini e`lon qilmoqda. Bu haqda harakat matbuot xizmati ma`lum qildi.
28 avgustga qadar ijtimoiy tarmoqlar (Facebook, Instagram)dagi o`z sahifalariga O`zbekiston bilan bog`liq eng qadrli xotiralari, taassurotlari aks etgan foto yoki videolarni joylashtirish lozim. Surat va video ostiga #MenUchunQadrli, #Senyu xeshteglaridan foydalanib hamda «Yuksalish» umummilliy harakati (@uzbyuksalish)ni belgilab, qisqa izoh-ta`rif yozish talab etiladi.
20 ta eng qiziqarli va ommabop foto va videolar 28 avgust soat 20:00da ovozga qo`yiladi. Ovoz berish jarayoni 1 sentyabr soat 11:00da yakunlanadi.
G`olib va sovrindorlarga quyidagi sovg`alar beriladi:
1-o`rin — noutbuk;
2-o`rin — planshet;
3-o`rin — smartfon.
