Avval xabar berilganidek, Toshkent davlat yuridik universiteti G`afur G`ulom nomidagi ko`krak nishonini ta`sis etdi. Ko`krak nishoni bilan birinchilardan bo`lib G`afur G`ulom nomidagi uy-muzeyi direktori Olmos Ahmedova hamda muassasaning ilmiy xodimi Lutfulla Ilhomjonov taqdirlandi. Bu haqda TDYuU Jamoatchilik va OAV bilan aloqalar bo`limi xabar berdi.
G`afur G`ulom nomidagi ko`krak nishoni bilan o`qish va ijodda faol talabalar hamda TDYuU professor-o`qituvchilari taqdirlanadi. Istisno tariqasida mukofot hamkor tashkilotlar vakillariga ham berilishi mumkin. Ko`krak nishoni sohiblari uchun bazaviy hisoblashning 3 baravari miqdorida pul mukofoti ko`zda tutilgan.
