Amerikaning Qwerkytoys kompaniyasi iPad uchun noodatiy klaviatura yaratdi, deb xabar beradi “Lenta.ru”.
Ma`lumotlarga ko`ra, klaviaturaning ko`rinishi yozuv mashinkasi asosida ishlangan. Yangi qurilma QwerkyWriter nomini oldi va uning bahosi 349 dollar etib belgilandi.
Gadjet o`zida retro va zamonaviy uslublarni mujassamlashtirgan. Uning korpusi alyuminiydan ishlangan, klavishlarida esa chuqurroq ko`rinish kasb etgan. Klaviatura orqasida planshetlar uchun mo`ljallangan o`yiq joy bor.
iPhone`ning yangi avlodi, shuningdek iPad va Apple Watch joriy yilning sentyabr oyida sotuvga chiqarilgan edi.
Apple kompaniyasining ta`kidlashicha, iPad Pro so`nggi olti oy ichida sotuvga chiqarilgan noutbuklarning 80 foiziga nisbatan tezroq ishlaydi, grafika imkoniyatlari bo`yicha esa mazkur uskunalarning 90 foizidan ham ko`ra kuchliroq.
Bundan tashqari, mazkur planshet uchun maxsus Smart Keyboard klaviaturasi ishlab chiqildi. U qurilmaga Smart Connector texnologiyasi yordamida ulanadi.