Rossiya Tog`li Qorabog`dagi tinchlikparvarlik operasiyasida Mi-8 va Mi-24 vertolyotlaridan foydalanadi, deb xabar qildi Mudofaa vazirligi.
Erevandagi aerodromga 8ta vertolyot etib keldi.
Xabarda aytilishicha, "vertolyotlardan o`q otish va jangovar harakatlarni to`xtatish haqida kelishuvga rioya etilishini havodan monitoring qilishda foydalaniladi".
Bundan tashqari, tinchlikparvar kontingentning shaxsiy tarkibini va mol-mulkini qiyin joylarga etkazib berishda foydalaniladi.
Avvalroq bir kun ichida Tog`li Qorabog`ga 414 nafar Rossiya tinchlikparvar kuchlari va bir necha o`nlab avtomobillar va boshqa transport vositalari, shuningdek /ta vertolyot va pilotsiz uchar qurilmalar olib borilgani haqida xabar berilgan.
Umuman olganda, harbiy guruh tarkibi 1960 nafar harbiy, 90 zirhli avtomashina, 380 dona avtomashina va boshqa texnikadan iborat bo`ladi.
