“Resurs soliqlari va mol-mulk solig`ini yanada takomillashtirish to`g`risida”gi Prezident Farmoni (PF–6121-son, 03.12.2020 y.) qabul qilindi. Bu haqda Huquqiy axborot kanali xabar qilmoqda.
Farmonga ko`ra:
➖barcha turdagi chiqindilarni saqlash va ularni utilizasiya qilish uchun ajratilgan er uchastkalari yuridik shaxslardan olinadigan er solig`i uchun soliq solish ob`ektidan chiqariladi;
➖ dehqon xo`jaliklariga 1 kub metr uchun 40 so`m miqdorida yagona soliq stavkasi belgilanadi.
Shuningedk, ko`chmas mulk ob`ektlarining bozor bahosiga yaqin bo`lgan kadastr qiymati asosida mol-mulk va er soliqlarini hisoblash tizimi ikki bosqichda joriy etiladi:
➖birinchi bosqichda (2021–2023 yillar) – ko`chmas mulk bo`lgan turar-joy fondi ob`ektlari (kvartira, yakka tartibdagi uy-joylar, dala-hovli), shuningdek, ushbu ob`ektlar egallagan er uchastkalariga nisbatan;
➖ikkinchi bosqichda (2022–2024 yillar) – yashash uchun mo`ljallanmagan alohida ko`chmas mulk ob`ektlari, shuningdek, ushbu ob`ektlar egallagan er uchastkalariga nisbatan.
Bundan tashqari, foydalanishga ruxsat etilgan er uchastkalari turlari klassifikatorlari va ularga bo`lgan huquqlarni tugatish uchun asoslarni nazarda tutuvchi yangi tahrirdagi Er kodeksi tayyorlanadi, deyiladi xabarda.