Alisher Abrorovich Usmonov O`zbekiston Prezidenti Davlat xavfsizlik xizmatining raisi etib tayinlandi. Bu haqda «Gazeta.uz» hukumatdagi manbalariga tayanib xabar berdi.
Alisher Usmonov 1964 yilda tug`ilgan. U ilgari Davlat xavfsizlik xizmati raisining o`rinbosari bo`lib ishlagan. 2007 yilda II darajali «Shon-sharaf» ordeni bilan taqdirlangan.
Avvalroq, Prezident Davlat xavfsizlik xizmati raisi sifatida 2020 yil mart oyidan beri ishlab kelayotgan Bahodir Toshmatov Prezident huzuridagi Xavfsizlik Kengashi kotibi o`rinbosari etib tayinlangan.
Shuningdek, Baxtiyor Islomov Prezidentning Fuqarolar huquqlarini himoya qilish va murojaatlar bilan ishlash masalalari bo`yicha maslahatchisining birinchi o`rinbosari etib tayinlangan edi.