Qashqadaryo viloyati hokimi Zoyir Mirzaev 1 fevraldan boshlab qisqa muddatli davolanish ta`tiliga chiqdi. Bu haqda viloyat hokimligi Axborot xizmati ma`lum qilgan.
Shuningdek, o`rinbosarga tenglashtirilgan hokim maslahatchilari ham qisqa muddatli davolanish ta`tiliga chiqib, viloyat shifoxonalarida salomatligini tiklab olishadi.
Avvalroq, viloyat hokimi o`rinbosarlari, tuman va shahar hokimlari tibbiy ko`rikdan o`tish va davolanish uchun Toshkent shahriga yo`l olishgani, ularni "Qarshi temir yo`l" vokzalidan kuzatish marosimida Zoyir Mirzaev ishtirok etgani haqida xabar berilgandi.
