Yong`in joriy yilning 8 fevral kuni soat 13:09 da Shayxontoxur tumani Duchor berk ko`chasida yuz bergan. Buning oqibatida ushbu manzilning 14A-uy hududidagi 5 ta bir-biriga tutashgan uylar zarar ko`rgan. Bu haqda FVV xabar berdi.
Voqea joyiga shahar FVBning 3 ta yong`in-qutqaruv ekipajlari soat 13:16 da etib borgan, soat 13:30 da qurshab olinib, soat 14:18 da to`liq o`chirilgan.
Yong`indan 5 ta uyning ichki va tom qismlari, jami 130 kv.m. maydoni zararlangan.
Olib borilgan tezkor harakatlar natijasida uyning 360 kv.m. yong`indan saqlab qolingan.
Yong`in sababi va zarar miqdori aniqlanmoqda.
