Samarqand shahrida yashovchi J.Z. ismli ayol Birlashgan Arab Amirligi fuqarosi bo`lgani tanishidan qo`l telefonida bo`lgan shaxsiy video hamda fotosuratlarini internet ijtimoiy tarmoqlariga tarqatish bilan qo`rqitib, tarqatmasilik evaziga 20 ming AQSh dollari miqdordagi pullarni talab qildi. Bu haqda Samarqand viloyati IIB Axborot xizmati xabar berdi.
BAA fuqarosining arizasiga asosan, 2021 yil 16 fevral kuni Samarqand viloyati IIB JQB Korrupsiya va iqtisodiy jinoyatlarga qarshi kurashish bo`limi hamda DXX Samarqand viloyati boshqarmasi xodimlari hamkorligida tezkor tadbir o`tkazildi.
1994 yil tug`ilgan, Samarqand shahaar Rudakiy ko`chasida yashovchi J.Z. ariza muallifidan 20 ming AQSh dollari miqdoridagi pullarni tovlamachilik yo`li bilan olgan vaqtida ashyoviy dalillar bilan ushlanib hujjatlashtirildi.
Mazkur holat yuzasidan O`zbekiston Respublikasi Jinoyat kodesining 165-moddasi (Tovlamachilik) 3-qismi “a” bandi bilan jinoyat ishi qo`zg`atilib, tergov harakatlari olib borilmoqda.
