Mazkur hodisa tafsilotlari haqida IIV huzuridagi Tergov departamenti xabar berdi.
Ma`lum qilinishicha, 2021 yil 15 fevral kuni soat 03:30 larda 30 yoshli Davlatyor D., Shovot tumani Guliston MFY hududida singlisi “Damas” rusumli avtomashinadan tushib qolganligini ko`rib, ularning yoniga borib haydovchi 36 yoshli Xursandbek Q., bilan janjallashib qolib yog`och bo`lagi bilan bosh qismiga urib tan jarohati etkazgan. Natijada Xursandbek Q., olgan tan jarohatlari oqibatida vafot etgan.
Mazkur holat yuzasidan Shovot tumani IIB huzuridagi Tergov bo`linmasi tomonidan Davlatyor D.,ga nisbatan O`zbekiston Respublikasi JKning 104-moddasi 3-qismi “D” bandi (qasddan badanga og`ir shikast etkazish) bilan jinoyat ishi qo`zg`atilib, “qamoqqa olish” tarzidagi ehtiyot chorasi qo`llanilgan.
Hozirda tergov harakatlari olib borilmoqda.
