Prezident Shavkat Mirziyoev xalq deputatlari Namangan viloyat kengashining navbatdan tashqari sessiyasida hokimlarning saviyasi haqida yana bir bor gapirdi.
«Tumanlarga ayollarni rahbar qilyapmiz, chunki ayollar bor joyda adolat bo`ladi. Hali viloyatlarga ham ayol hokim qo`yamiz. Mana, To`raqo`rg`on hokimi ayol kishi, o`ziga ishongani uchun dadil gapiryapti. Ko`pchilik erkak rahbarlardan yaxshi shular.
Uychini hokimini qaranglar, nima deyishni bilmaydi. Men ham tuman hokimi bo`lganman, 400 mingdan ortiq odami bor Mirzo Ulug`bek tumanida hokim edim.
Samarqandday katta viloyatga hokim bo`lganimda bir so`m pul ololmasdik. Oddiy shina olish uchun ham pul topilmasdi. Hozir har bir tumanning o`z jamg`armasi bor», deya prezidentning so`zlarini keltirmoqda Darakchi.uz muxbiri.
