Farg`onada maktab o`quvchini do`pposlagan ota-bola tergov qilinmoqda

Internet ijtimoiy tarmoqlarida voyaga etmagan shaxsni bir necha kishini urganlik holati aks ettirilgan videolar tarqalmoqda.

Farg`ona viloyati IIB Axborot xizmatining bayonotiga ko`ra, videoda joriy yil 21 fevral kuni fuqaro B.P farzandi N.K bilan birgalikda Farg`ona shahar Quruvchilar ko`chasida yashovchi voyaga etmagan X.Sh. ni o`zaro kelishmovchilik sababli urib, tepib tan jarohati etkazishganligi aks etgan.

Ushbu holat yuzasidan Farg`ona shahar Ichki ishlar organlari faoliyatini muvofiqlashtirish boshqarmasi tomonidan o`tkazilgan tergovga qadar tekshiruv yuzasidan to`plangan materiallar Farg`ona viloyat IIB huzuridagi Tergov boshqarmasining ish yurituviga qabul qilinib, hozirda tergovga qadar tekshiruv harakatlari davom ettirilmoqda.

Mazkur holat viloyat Ichki ishlar boshqarmasi tomonidan nazoratga olinganligi, tekshiruv harakatlari yakuniga ko`ra, qo`shimcha xabar berilishi aytilmoqda.