Ijtimoiy tarmoqlarda Termiz shahar Tuproqqo`rg`on mahallasi, B.Zokirov ko`chasida yashovchi fuqaro Saidmamatov Baxtiyorga parkdan muzqaymoq paviloni qurish uchun 3 sotix er ajratish to`g`risida qaror chiqarilgan bo`lsa-da, ammo, hali hanuzga qadar qarorga asosan berilishi lozim bo`lgan er o`lchab berilmayotgani bo`yicha murojaat joylashtirildi.
Termiz shahar hokimligi holat yuzasidan quyidagilarni ma`lum qiladi.
"Ushbu murojaatni o`rganish jarayonida, shaharning “Barkamol Avlod” ko`chasi yoqasidan yangidan barpo qilinayotgan bog` hududidan tadbirkorlarga hamda “Jayhun-Turon” oilaviy korxonasiga ham 300,0 kv.m er maydoni Termiz shahar hokimining 2017 yil 01.07 yildagi Q-1461-sonli qarori bilan muzqaymoq pavilonini qurish uchun ajratib berilganligi aniqlandi.
Aniqlanishicha, tadbirkorlar va “Jayhun-Turon” oilaviy korxonasi tomonidan shahar hokimining yuqoridagi qarorida ko`rsatib, o`tilgan bandlar bajarilmaganligi hamda “Er kodeksi”ning 36-moddasi, 10-bandiga asosan, muddatida qurmaganligi bois, ushbu yangidan barpo etilayotgan bog` boshqa tadbirkorga to`liq 6,9 ga er maydoni ajratib berilgan.
O`rganish natijasida, “Jayhun-Turon” oilaviy korxonasi tomonidan amaldagi qonunlarga muvofiq hamda shahar hokimining qaror bandlari ijrosi belgilangan tartibda bajarilmaganligi va o`z vaqtida qurilish ishlari amalga oshirilmaganligi sababli, Termiz shahar hokimining 2017 yil 1-iyuldagi Q-1461-sonli qarori bekor qilinishi maqsadga muvofiqligini bildiramiz", – deyiladi bayonotda.
