Qonunchilikka ko`ra quyidagi transportlarga utilizasiya yig`imi to`lanmaydi:
- diplomatik vakolatxonalarga yoki konsullik muassasalariga, xalqaro tashkilotlarga, shuningdek, bunday vakolatxonalar, muassasalar, tashkilotlarning O`zbekiston fuqaroligi bo`lmagan, diplomatik maqomga ega bo`lgan xodimlari va ularning oila a`zolariga tegishli transportlarga;
- ishlab chiqarilgan yilidan boshlab 30 va undan ortiq yil o`tgan L va M1 toifali, shuningdek, ishlab chiqarilgan yilidan boshlab 50 va undan ortiq yil o`tgan, yo`lovchilar va yuklarni tijorat maqsadida tashish uchun mo`ljallanmagan, asl dvigateli va kuzovi bilan asl holatida saqlangan yoki asl holati tiklangan M2, M3 va N toifali transportlarga;
- davlatlararo, hukumatlararo, xalqaro tashkilotlar yo`nalishlari bo`yicha xayriya yordami maqsadlarida, shu jumladan texnik ko`mak (grant) mablag`lari hisobiga olib kiriladigan transportlarga;
- O`zbekistonga olib kirilib, “vaqtinchalik olib kirish” bojxona rejimiga rasmiylashtirilgan transportlarga.