Buxoro viloyati bojxona boshqarmasi axborot xizmatining ma`lum qilishicha, Prezidentning Buxoroga tashrifi chog`ida viloyatda temir daftarga kirganlarni ish o`rinlari bilan ta`minlash, ularni maishiy xizmatlar ko`rsatish sohalariga jalb qilish maqsadida bo`shagan yuk konteynerlarini zamonaviy ko`rinishda jihozlagan holda, aholi punktlarida o`rnatish choralarini ko`rish topshirig`i berilgan.
Mazkur ko`rsatma asosida viloyat hokimligi, bojxona boshqarmasi hamda «Remont mexanika» zavodi bilan hamkorlikda ishchi guruhi tuzilib, hozirgi kunga qadar respublikamizning turli hududlaridan 1000 donaga yaqin konteynerlar yig`ilmoqda. Ular zamonaviy ko`rinishda ta`mirlanib va jihozlanib, imtiyozli kredit asosida viloyatdagi ijtimoiy yordamga muhtoj oilalarga tarqatilmoqda.