Dehqonobod tumanining Bibiqorasoch mahallasida Shahrisabzdan harakatlanib kelayotgan Kamazda yong`in chiqdi, deya xabar berdi viloyat hokimligi Axborot xizmati.
Yong`in Favqulodda vaziyatlar xodimlari va yong`in xavfsizligi xodimlari tomonidan qisqa fursatda o`chirildi. Yong`indan hech kim jabrlanmadi.
Ma`lum bo`lishicha, G`uzor tumanida yashovchi fuqaro Kamaz yuk mashinasida Shahrisabz shahridan qadoqlangan ichimlik suvini Termiz shahriga olib ketayotgan bo`lgan.
Ayni paytda yong`inning kelib chiqish sabablari o`rganilmoqda.
