O`tgan o`quv yilida barchaga abiturientlarning hujjatlari Davlat test markazining abitur.dtm.uz sayti orqali onlayn qabul qilindi. Onlayn hujjat topshirish uchun bitiruvchilarning pasport ma`lumotlari (jismoniy shaxsning shaxsiy identifikasiya raqami -JShShIR) kiritish talab etiladi. Shu bois, 16 yoshga to`lgan bitiruvchilar o`z vaqtida pasport (ID karta) olishlari zarur. Bu haqda Xalq ta`limi vazirligi maktab bitiruvchilarini ogohlantirish bilan chiqdi.
Bu jarayonda Xalq ta`limi vazirligi DTM bilan o`zaro hamkorlikni yo`lga qo`yib, OTMga hujjat topshirish uchun bitiruvchilarga yanada qo`laylik yaratish maqsadida attestat.uzedu.uz elektron bazasi DTM abitur.dtm.uz sayti bilan integrasiya qilingan.
Ma`lumot uchun, joriy o`quv yilida maktablarni 437 mingdan ortiq o`quvchilar bitiradi. Bugungi kunda bitiruvchilarning elektron ma`lumotlar bazasi attestat.uzedu.uz saytida 16 yoshga to`lgan 153 mingdan ortiq bitiruvchilar (35%) pasport olmagan.
"Hurmatli ota-onalar, aziz bitiruvchi yoshlar!
Fuqarolik huquqidan foydalangan holda 16 yoshga to`lgan maktab bitiruvchilarining o`z vaqtida pasport olishini ta`minlashingizni so`raymiz.
Maktab ma`muriyatidan esa bitiruvchilarning pasport ma`lumotlarini attestat.uzedu.uz saytiga kiritib, ularni kelgusida oliy ta`lim muassasalariga hujjatlarini topshirishda ko`maklashishga chaqiramiz",–deyiladi vazirlik axborotida.
Eslatib o`tamiz, 16 yoshga to`lgan bitiruvchilar pasport olishlari uchun o`zlari doimiy ro`yxatda turgan hududdagi Ichki ishlar organlarining migrasiya va fuqarolikni rasmiylashtirish boshqarmalariga murojaat etishlari mumkin.
22.01.2022, 20:55
Ta`lim jarayoni “onlayn” shaklda amalga oshiriladigan davrda umumta`lim muassasalari va “Barkamol avlod” maktablari pedagog va boshqa xodimlariga, shu jumladan mehnatiga soatbay haq to`lash asosida faoliyat...
30.11.2021, 22:26
Xalq ta`limi vaziri Baxtiyor Saidov Nizomiy nomidagi Toshkent davlat pedagogika universiteti talabalari bilan uchrashdi. Uchrashuvda universitet rektori Abdug`affor Qirg`izboev, ta`lim dargohi o`qituvchilari va bo`lg`usi pedagog...
12.05.2021, 18:52
Toshkent shahar Shayxontohur tumani 19-sonli umumta`lim maktabining o`zbek tili fani o`qituvchisi Fayzullo Yaxyoev Qozog`icton Respublikasining Nursulton shahrida MDH davlatlari o`rtasida o`tkazilgan "Yilning eng yaxshi yosh...
29.04.2021, 15:18
Bu haqda AOKAda o`tkazilayotgan matbuot anjumanida Xalq ta`limi vaziri o`rinbosari Rustam Karimjonov ma`lum qildi.Unga ko`ra, 2020 yilda optik tolali aloqa liniyalarini tortish ishlari 7155 ta...
