Avvalroq, Qashqadaryo viloyati Kasbi tumanida joylashgan 11-Ixtisoslashgan davlat umumta`lim maktabi o`quvchilari uchun stipendiya joriy qilingani haqida xabar bergan edik.
Maktab ma`muriyatining "Darakchi"ga ma`lum qilishicha, homiylar, sobiq bitiruvchilar, ota-onalar va ustozlar tashabbusi bilan joriy qilingan stipendiya maktabning 25 nafar eng a`lochi o`quvchilariga topshirildi.
"Stipendiya joriy qilishdan maqsad o`quvchilarni ilmga nisbatan ruhlantirish, yaxshi bilim va tafakkurning ortidan halol daromad topishga o`rgatish, sog`lom raqobat muhitini shakllantirish, kam daromadli, ammo ilmga chanqoq oilalar farzandlarini oz bo`lsada moddiy jihatdan qo`llab quvvatlash, chekka hududlardan(maktab binosidan 25-30 km masofadan)qatnab o`qiydigan o`quvchilar oilalariga yordam ko`rsatish",–deydi maktab direktori Azizjon Kamolov.
Ma`lumot uchun, joriy yilning fevral oyida Oliy Majlis Senati Xotin-qizlar va gender tenglik masalalari qo`mitasi raisi o`rinbosari N.Abdullaxanov Namangan shahridagi 46-sonli umumta`lim maktabi o`quvchilari uchun “senator stipendiyasi”ni ta`sis etgan edi.
