Urganch garnizonida joylashgan harbiy qismlarning birida rejaga asosan batalon taktik o`quvi boshlandi.
Shu bois bo`linmalar olingan shartli signalga muvofiq yuqori jangovar shaylik holatiga keltirilib, jangovar texnikalarda “Yangiariq” dala-o`quv maydoniga kolonna bo`lib marsh uyushtirdi.
Marshni amalga oshirishda harbiy xizmatchilar shartli ravishda qo`llanilgan ommaviy qirg`in qurollari hududidan o`tib, pistirma hamda hujumlarni qaytarish va ularga qarshi harakatlarni olib borish bo`yicha choralarni ko`rishdi.
Dala-quv maydoniga etib kelgan bo`linmalar hududda joylashuv, qo`riqlov hamda niqoblanish shartlarini bajardi.
Mashg`ulot davomida bo`linma komandirlarining shartli dushmanga qarshi rejalashtirilgan jangni olib borish bo`yicha qarorlari hamda ushbu harakatlarni bajarishga tayyorgarlik darajasi bo`yicha ma`ruzalari tinglandi.
Shimoli-g`arbiy harbiy okrug qo`shinlari qo`mondonligi tomonidan mazkur harbiy mashg`ulot jarayonlari nazorat qilinmoqda. Batalon taktik o`quvi davom etmoqda.
Shimoli-g`arbiy harbiy okrug matbuot xizmati
