Joriy yilda turmush sharoiti og`ir bo`lgan ayollar hamda yolg`iz onasi qaramog`ida o`sgan qizlarni uy-joy bilan ta`minlash maqsadida byudjetdan 200 milliard so`mdan ziyod mablag` ajratiladi, deya tantanali marosimdan Prezidentning so`zlarini keltirmoqda "Darakchi" muxbiri.
Shuningdek:
- boshpanasi bo`lmagan ayollarni ijara asosida “ijtimoiy uy-joylar” bilan ta`minlash uchun yana 211 milliard so`m,
- boquvchisini yo`qotgan hamda o`zgalar parvarishiga muhtoj xotin-qizlarga moddiy yordam berish
va malakali tibbiy yordamga muhtoj ayollarni davolashga qo`shimcha 110 milliard so`m,
- ayollar bandligini ta`minlash, ularni kasb-hunarga o`qitish, tadbirkorlik tashabbuslarini qo`llab-quvvatlash uchun, byudjetdan qo`shimcha 600 milliard so`m ajratiladi.
“Bundan buyon O`zbekistonda biror-bir ayol davlat va jamiyatning e`tiboridan chetda qolmaydi”, - dedi Prezident.
