Bayram munosabati bilan xotin-qizlari uchun chegirmalar e`lon qilindi

“8 mart - Xalqaro xotin-qizlar kuni” bayramini keng nishonlash hamda ularning dam olishini mazmunli tashkil etish, qolaversa O`zbekistonda ichki turizmni rivojlantirish maqsadida turizm sohasi tadbirkorlik sub`ektlari tashabbusi bilan mamlakatimizning qator mehmonxonalari va umumiy ovqatlanish maskanlarida ixtiyoriy chegirmalar joriy etiladi. Bunda 7-8 mart kunlari xotin-qizlar uchun O`zbekistondagi 322 ta joylashtirish vositasi (mehmonxona va mehmon uylari) xizmatlari uchun - 50 foizgacha, 138 ta umumiy ovqatlanish joyidagi xizmatlar uchun esa 40 foizgacha chegirmalardan foydalanish mumkin.