Байрам муносабати билан хотин-қизлари учун чегирмалар эълон қилинди

“8 март - Халқаро хотин-қизлар куни” байрамини кенг нишонлаш ҳамда уларнинг дам олишини мазмунли ташкил этиш, қолаверса Ўзбекистонда ички туризмни ривожлантириш мақсадида туризм соҳаси тадбиркорлик субъектлари ташаббуси билан мамлакатимизнинг қатор меҳмонхоналари ва умумий овқатланиш масканларида ихтиёрий чегирмалар жорий этилади. Бунда 7-8 март кунлари хотин-қизлар учун Ўзбекистондаги 322 та жойлаштириш воситаси (меҳмонхона ва меҳмон уйлари) хизматлари учун - 50 фоизгача, 138 та умумий овқатланиш жойидаги хизматлар учун эса 40 фоизгача чегирмалардан фойдаланиш мумкин.