Joriy yilning 9 mart kuni ijtimoiy tarmoqda "Qarama-qarshi yurgan haydovchiga YPX xodimi jarima tuzmadi" sarlavhasi ostidagi video lavha tarqaldi.
Video lavhada YPX xodimi F.Sayxamatov tomonidan haydovchi O.Mashrapov boshqaruvidagi avtomobil to`xtatilgani, xodim haydovchiga qoidabuzarlik sodir etganligini aytgani, lekin, haydovchiga nisbatan o`rnatilgan tartibda ma`muriy bayonnoma rasmiylashtirmasdan yo`lida davom etishiga ruxsat berganligi holati aks etgan.
IIV YHXBB Axborot xizmatining ma`lum qilishicha, mazkur holat yuzasidan Toshkent shahar IIBB YHXB tomonidan xizmat tekshiruvi o`tkazilmoqda. Tekshiruv davomida holatga oydinlik kiritilib, xulosasi bo`yicha qo`shimcha ma`lumot beriladi.