Joriy yilning 10 mart kuni ijtimoiy tarmoqda "Tez yordam avtomobilida og`ir kasal bor edi..." sarlavhasi ostidagi video lavha tarqaldi.
IIV YHXBB Axborot xizmatining ma`lum qilishicha, ushbu holat 2019 yilda Surxondaryo viloyati, Sherobod tumanida sodir bo`lgan bo`lgan.
Keltirilishicha, "Damas" rusumli avtomobil haydovchisi 3.27 "To`xtash taqiqlangan" belgisining ta`sir doirasida ma`lum muddat to`xtab so`ngra harakatlangan vaqtda, YPX xodimi tomonidan to`xtatilgan va Yo`l harakati qoidalarining 25-bandi ikkinchi xatboshisi (boshqa yo`l harakati qatnashchilariga nisbatan imtiyozga ega bo`lishlari uchun bunday transport vositalarida ko`k yoki ko`k va qizil rangli yalt-yalt etuvchi chiroq-mayoqcha va maxsus tovushli ishora yoqilgan bo`lishi shart) haqida haydovchiga eslatilgan. Tekshiruv davomida haydovchining me`yoriy hujjatlari to`liq emasligi ma`lum bo`lgan.
Ijtimoiy tarmoqda ushbu tez tibbiy yordam avtomobilida og`ir bemor borligi aytilgan. Video lavhada ko`ringanidek, avtomobilda bemor yo`lovchi bo`lmagan. Surxondaryo viloyati IIB YHXB tomonidan olib borilgan surishtiruv ishlari davomida ham avtomobilda bemor yo`lovchi bo`lmaganligi o`z tasdig`ini topgan.
