Bugun, 23 mart kuni Turkiya Qurolli Kuchlari Bosh shtabi boshlig`i armiya generali Yashar Guler rahbarligidagi Turkiya delegasiyasi O`zbekistonga tashrif buyurdi. Bu haqda "darakchi.uz"gа Mudofaa vazirligi Axborot va ommaviy kommunikasiyalar departamenti ma`lum qildi.
Tashrif avvalida Turkiya delegasiyasi rahbari O`zbekiston Qurolli Kuchlari Bosh shtabi rahbariyati bilan uchrashdi.
Turkiya delegasiyasi vakillari tashrif davomida Toshkentdagi «G`alaba bog`i» yodgorlik majmuasiga tashrif buyurishi, shuningdek, «Termiz» poligonida o`tkazilayotgan o`zbek—turk qo`shma taktik o`quvlarini kuzatishi rejalashtirilgan.
