Bugun, 29 mart kuni jinoyat ishlari bo`yicha Chilonzor tuman sudida sudlanuvchilar J. Baxodirov (1996 yilda Toshkent shahrida tug`ilgan, muqaddam sudlangan, “Avto oltmish oy” MChJ rahbari), O. Mirzaev (1986 yilda Toshkent shahrida tug`ilgan, muqaddam sudlangan), E. Qurbonov (1980 yilda Toshkent shahrida tug`ilgan, muqaddam sudlanmagan), M. Gulmirzaeva (1985 yilda Toshkent viloyatida tug`ilgan, muqaddam sudlanmagan, “Avto oltmish oy” MChJ bosh hisobchisi), M. Xakimova (1981 yilda Toshkent shahrida tug`ilgan, muqaddam sudlanmagan, “Avto oltmish oy” MChJ maslahatchisi)ga nisbatan jinoyat ishini ko`rib chiqish bo`yicha ochiq sud jarayoni nihoyasiga etdi va sud hukmi e`lon qilindi. Bu haqda Toshkent shahar sudining Jamoatchilik va OAV bilan hamkorlik bo`yicha bosh konsultanti Sadoqat Allaberganova xabar qildi.
Mazkur jinoyat ishi jinoyat ishlari bo`yicha Chilonzor tuman sudining ish yurituviga 2020 yil 10 iyul kuni kelib tushgan bo`lib, ish bo`yicha to`liq sud tergovi o`tkazilib, jinoyat ishi bo`yicha ishni ko`rish muddati 2020 yil 27 sentyabr kuni Toshkent shahar sudi raisi tomonidan 4 oygacha, 2020 yil 27 noyabr kuni Oliy sud raisining o`rinbosari tomonidan 5 oygacha, 2020 yil 25 dekabr kuni Oliy sud raisi tomonidan 6 oygacha uzaytirilgan.
Sudning ish yurituviga J.Baxodirov va boshqalar tomonidan 1.128 ta fuqarolarning pullarini egallash holati bilan bog`liq yangi jinoyat ishi kelib tushgan va sudning 2021 yil 11 yanvar kunidagi ajrimiga asosan jinoyat ishlari birlashtirilgan.
Jabrlanuvchilarning soni ko`pligini inobatga olinib sudlar barcha viloyatlarda o`tkazilishi boshlanib, 2020 yil 14-19 sentyabr kunlari Andijon, 21-26 sentyabr kunlari Farg`ona, 28 sentyabr 3 oktyabr kunlari Namangan, 8-10 oktyabr kunlari Sirdaryo, 12-15 oktyabr kunlari Jizzax, 19-24 oktyabr kunlari Samarqand, 26-28 oktyabr Navoiy, 29-31 oktyabr kunlari Buxoro, 2-4 noyabr kunlari Qashqadaryo, 5-7 noyabr kunlari Surxondaryo, 11-14 noyabr kunlari Qoraqalpog`iston Respublikasi, 16-20 noyabr Xorazm viloyatlarida o`tkazilib, jinoyat ishlari birlashtirilgach sud binosida davom ettirilib, jami 9300 nafar jabrlanuvchilar va guvohlar so`roq qilingan.
Jinoyat ishi bo`yicha 2021 yil 3 mart kuni sud alohida xonaga kirgan.
Ushbu jinoyat ishi jinoyat ishlari bo`yicha Chilonzor tuman sudi sudyasi Dilmurod VALIEV tomonidan ko`rib chiqildi.
J. Baxodirov Jinoyat kodeksi (JK) 168-moddasi 3-qismining “a,b” bandlari, 1881-moddasi 2-qismining “b,v” bandlari va 243-moddasida nazarda tutilgan jinoyatlarni sodir etganlikda aybli deb topildi.
JKning 59-moddasi tartibida, jinoyatlar majmui tariqasida tayinlangan jazolarni qisman qo`shish yo`li bilan uzil-kesil 8 yilga ozodlikdan mahrum qilindi.
O. Mirzaev JK 168-moddasi 3-qismining “a,b” bandlari, 1881-moddasi 2-qismining “b,v” bandlari va 243-moddasida nazarda tutilgan jinoyatlarni sodir etganlikda aybli deb topildi.
JKning 59-moddasi tartibida, jinoyatlar majmui tariqasida tayinlangan jazolarni qisman qo`shish yo`li bilan uzil-kesil 7 yilga ozodlikdan mahrum qilindi.
E. Qurbonov JK 168-moddasi 3-qismining “a,b” bandlari va 1881-moddasi 2-qismining “b,v” bandlarida nazarda tutilgan jinoyatlarni sodir etganlikda aybli deb topildi.
JKning 59-moddasi tartibida, jinoyatlar majmui tariqasida tayinlangan jazolarni qisman qo`shish yo`li bilan uzil-kesil 6 yilga ozodlikdan mahrum qilindi.
M. Gulmirzaeva JK 167-moddasi 2-qismining “v,g” bandlari, 168-moddasi 3-qismining “a,b” bandlari, 1881-moddasi 2-qismining “b,v” bandlari, 228-moddasi 2-qismining “b” bandi va 228-moddasining 3-qismida nazarda tutilgan jinoyatlarni sodir etganlikda aybli deb topildi.
JKning 59-moddasi tartibida, jinoyatlar majmui tariqasida tayinlangan jazolarni qisman qo`shish yo`li bilan 5 yilga ozodlikni cheklash tayinlandi.
JKning 62-moddasi tartibida, uning 2019 yilning 7 noyabrdan 20 noyabrga qadar dastlabki qamoqda saqlangan 14 un muddatini ozodlikdan cheklashning bir kuniga tenglashtirib hisobga olgan holda o`tash uchun uzil-kesil to`rt 4 yil o`n bir 11 oy o`n olti (16) kun muddatga ozodlikni cheklash jazosi qoldirildi.
M. Xakimova JK 168-moddasi 3-qismi “a,b” bandlari va 1881-moddasi 2-qismi “b,v” bandlarida nazarda tutilgan jinoyatlarni sodir etganlikda aybli deb topildi. JKning 70-moddasiga asosan jazodan ozod qilindi.
Jinoyat ishi bo`yicha 17.067 nafar shaxsga nisbatan 54.000.000.000 so`m zarar hisoblanib ayb e`lon qilingan. Sud majlisida aniqlangan holatlarga ko`ra, 16.816 nafar shaxs jabrlanuvchilarga jami 44.774.510.348 so`m moddiy zarar etkazilgan bo`lib, dastlabki tergovda 26.229.605.814 so`m depozit hisob raqamiga to`langan va sud majlisi davomida avtomashina olgan fuqarolar tomonidan 1.965.678.400 so`m sudlar faoliyatini ta`minlash departamenti Toshkent shahar bo`limi depozit xisob raqamiga topshirilgan.
Bundan tashqari, "Avto 60 oy" MChJning hisob raqamiga fuqarolar tomonidan 486.087.029 so`m to`langan.
"Avto 60 oy" MChJ bosh ofisi, Farg`ona viloyatida joylashgan ofisidan, Samarqand viloyatida joylashgan ofisidan olinib xatlangan mol-mulklar jabirlanuvchilarga etkazilgan zararni qoplashga proporsional tartibda taqsimlanishi belgilangan.
Sud majlisi va dastlabki tergovda avtomashinaning pulini 100 foiz to`lagan 66 nafar fuqarolarning avtomashinalariga qo`yilgan ta`qiq echilishi belgilandi.
75 ta avtomashinaning pullarini to`lamagan 75 nafar fuqarodan bo`lsa, qolgan bosh to`lovlarini chegirib tashlash yo`li bilan qolgan pullarini undirilishi belgilandi.
Hukmdan norozi taraflar hukm e`lon qilingan kundan e`tiboran yigirma sutka ichida, sudlanuvchi va jabrlanuvchi hukm nusxasini olgan kundan e`tiboran shu muddat ichida, apellyasiya tartibida Toshkent shahar sudi apellyasiya instansiyasiga shikoyat berishi yoki protest bildirishi mumkin.
