Toshkentdagi barcha tumanlarda sayyor qabul o`tkazayotgan Toshkent shahar sudlari raislarining galdagi manzili Yashnobod tumani bo`ldi.
Toshkent shahar sudi raisi Erkin Xodjakulov va Toshkent shahar ma`muriy sudi raisi Ulug`bek Almamedov tomonidan mazkur tuman fuqarolarini qiynab kelayotgan muammolar o`rganildi.
Bu haqda Toshkent shahar sudining Jamoatchilik va OAV bilan hamkorlik bo`yicha bosh konsultanti Sadoqat Allaberganova xabar qildi.
7-sonli musiqa va san`at maktabida o`tgan sayyor qabulda Toshkent shahar sudi raisi o`rinbosari – jinoyat ishlari bo`yicha sudlov hay`ati raisi Akbarali Turabov, Toshkent shahar sudi raisi o`rinbosari – fuqarolik ishlari bo`yicha sudlov hay`ati raisi Shuhrat Abbasov, Toshkent shahar sudi raisi o`rinbosari – iqtisodiy ishlar bo`yicha sudlov hay`ati raisi Maqsudbek Saidov va fuqarolik va jinoyat ishlari bo`yicha, ma`muriy va iqtisodiy sudlarning raislari va sudyalari, shuningdek, tuman sektor rahbarlari ham qatnashishdi.
Sayyor qabulda jami 95 nafar fuqaro ishtirok etdi. Ularning murojaatlari asosida 98 ta masala yuzasidan muammolari va ularni qiynayotgan savollar ko`rib chiqildi. Shundan,
• 40 ta murojaat qanoatlantirilib, ijobiy hal etildi.
• 40 nafar fuqaroga esa huquqiy tushuntirishlar berildi.
• 4 ta murojaat nazoratga olindi.
Murojaatlari ijobiy hal bo`lgan fuqarolar tomonidan hatto 16 ta minnatdorlik xatlari ham kelib tushdi.
Murojaatlari tinglangan fuqarolarning:
• 22 tasi jinoyat ishlari bo`yicha;
• 40 tasi fuqarolik ishlari bo`yicha;
• 2 tasi iqtisodiy ishlar;
• 5 ta ijro masalasiga oid ishlar bo`ldi.
Sayyor qabulda uy-joy nizosi, sudlanganlik holatini olib tashlash, doimiy ro`yxatga qo`yish va pasport olish, zarar va qarzdorliklarni undirish, nikohdan ajratish, otalikka e`tiroz bildirish, meros, uydan foydalanish, ish stajini belgilash va tiklash kabi masalalar yuzasidan murojaat qilishdi.
Sayyor qabul davomida probasiya nazoratidagi 10 nafar shaxs jazoni o`tashdan muddatidan ilgari ozod qilindi.
2 nafar mahkumning esa jazo turi engilroq jazoga almashtirildi.
Shuningdek, “Ayollar daftari”ga kiritilgan 10 nafar ayollarga moddiy yordam ko`rsatildi. 5 nafar shaxsning bandligi ta`minlandi.
11 nafar musiqa maktabi o`quvchilariga ma`naviyatni yuksaltirish, kitobxonlikka e`tibor qaratish maqsadida kitoblar berildi.
