Nurobod tumani hokimligida huquqni muhofaza qilish organlari rahbarlari hamda faollar ishtirokida yig`ilish bo`lib o`tdi.
Yig`ilishda tashkiliy masala ko`rilib, O`zbekiston Respublikasi Bosh prokurorining buyrug`i bilan Soyipova Norsuluv Raximovna Nurobod tumani prokurori lavozimiga tayinlandi. Bu haqda Samarqand viloyati hokimligi Axborot xizmati xabar berdi.
N.Soyipova 1979 yilda Kattaqo`rg`on tumanida tug`ilgan, ma`lumoti oliy - huquqshunos. 2001 yilda Toshkent davlat yuridik institutini tamomlagan.
U prokuratura organlaridagi xizmat faoliyatini Samarqand tumani prokuraturasida boshlab, 2019 yildan buyon Samarqand shahar prokurorining katta yordamchisi lavozimida faoliyat yuritgan.
